At ze vieftig jaor bunt eworden begint de olde voetballers al te praoten over,vrogger was’t völle better. Maor is dat wel waor?

’t Veld

’n Gewone weide waorin de beesten vake nog uut-ejog mosten worden en de flatsen op-eruumd werden deur de boer die dat de dag daorveur vergetten was.

De strepen wazzen nauweluks te ziene en mos der ‘n penantie enommen worden dan treaden de scheidsrechter de elfmeter af.

De netten wazzen eknupt van touw en loodzwoar. Umdat ze nooit goed dröge werden, ruuken i-j ze van de wiete al deur de muffe geur.

Dat de doelpäöle nog van holt wazzen en vierkant, zult völle blagen niet meer wettten.

In de winter wazzen de velden vake ene modderpoel , veural veur de kool was ’t een troep , sommige kiepers vonnen dat wel lekker. Altied better dan ’n keiharde bevroren weide.

Kleedhökken

Vake mos i-j ow in een stal of op ’n daele umkleden en kwam ’t veur dat een peerd de bokse an- efretten had. ’t Was al een luukse at der een betonnen höksken ston waor a-j nog een betjen bescherming hadden. Uitzondering wazzen b.v de kleedkamers van H en K(Hummel en Keppel),an de grote weg naor Drempt , tegen aover ’t Swaentje.

Daor hadden ze een ruumte met zo’n hevelpompe, waor ’t kolde water mos worden op-epomp en dat dan naor ’n douchkop ging. Meestal was de jongste spöller de klos en mos hi-j an de pompe staone.

Dit spöllen zich af in de jaoren vieftig. Op de meeste velden ston een drinkbak in de hoek van de weide waoruut ’t water met een afwasteiltje mos worden ehaald. I-j kunt ow veurstellen dat de meeste spöllers de kleren weer antrokken en zich thuus gingen wassen.

Trainingspakken kennen ze ok niet,vake werden de voetbalkleren al thuus an-etrokken, allene de voetbalschoenen werden nog in de tasse met-enommen.

Ok de scheidsrechters hadden gin speciale behandeling. Zi-j mochten zich bi-j de luu in de buurte umkleden of in de kökken van ’t cafe. Opvallend was dat toendertied dat de velden vake bi-j’n cafe laggen.

Kleding

De voetballers hadden hemden en boksen in de clubkleuren an, die zie toen zelf an-schaffen mosten. Toen hadden de boksen nog een achtertesse waorin een zakdoek zat, zo da-j niet dat gesnotter zaggen wat ze now doet. Enkele spöllers hadden beenbeschermers achter de kousen estokken, maor die wazzen ze elke kere weer kwiet. De kiepers hadden vake dikke truien an, een legerpetje veur de zonne en bi-j slecht weer een paar gebreide vingerhandschoenen an.

Schoene

Zwarte leren schoene van ’t merk” Quick” uut Hengel. Leren noppen met spiekers vast ezet, zörgen regelmatig veur strepen oaver de benen van de tegenstander. Veur de wedstrijd ging i-j dan effen met de noppen oaver de stenen um die spiekers wat weg schoeren.

Bi-jzunder wazzen de staolenneuzen van de schoene. Daor ko-j prima met punteren.

Training

Ene avond in de wekke kwam der een trainer um ow wat bi-j te spiekeren. Begon vake met gymnastiek oefeningen en daornao wat oefeningen met de bal. A’j as vereniging vief ballen hadden, dan hadden zi-j ’t goed veur mekare. De trainer had toen niet völle inbreng bi-j de opstelling van ’t elftal.

De Bal

Grote zwaore leren ballen met veters dicht-eknupt. Bi-j vri-je trappen of bi-j ’t uutschieten, mos i-j goed kieken of de veters an de goeie kant zatten. A’j bi-j een kopbal net den veter op de kop kregen, jökken dat wel. De binnenbal was van gummie en raken nog wel us lek.

De schoemaker plakken den dan weer en pompen um opgevuul weer op en zetten de bal dan ok nog in ’t vet. I-j kunt ow veurstellen dat bi-j reagen die ballen loodzwaor wazzen.

Elftal commissie

Op woensdag aovend kwammen een stel keals bi-j mekare in een darpscafe, meestal de stamkroeg van de vereniging. Daor werd ’t elftal samen esteld en de opstelling werd in een kasjen in het darp op-ehangen. Daor werd ok de anvangstied an-egeven, net als ’t vervoer bi-j uutwedstri-jden. ’t Bestuur had ok nog wat in de melk te brokkelen aover de taktiek , samen met de oldere spöllers.Verzörgers wazzen der niet ,effen met de benen in de drinkbak in de hoek van de weide.Wieter ging i-j naor de huusdokter, den dan bepalen wat of der mos gebeuren.

Kantine

Dat kennen ze toen nog niet in die tied, ieder darp had een stamkroeg waor a’j nao de wedstrijd nog effen een biertje konnen nemmen. De meeste spöllers gingen naor huus um zich te wassen en gingen dan niet meer naor de kroeg. Dat is now wel anders.

Uutwedstrijden

Op de fietse, soms met auto’s van ’t bestuur en heel af en toe, a-j wiet weg mosten, werd der ’n bus ehuurd. Daor mos ie dan as spöller ’n kleinigheid an bi-jdragen. Ok lopen was der een kere bi-j, toen de autoloze zondag werd in-evoerd. De G.T.W bus reed b.v naor Doesburg, maor a-j dan in Angerlo mosten spöllen dan mos i-j dat stuk lopen.

Hoezo vrogger was alles better!

Goedgaon, Gait de Strieker

Gerelateerde verhalen

Koffie leuten Koffie leuten

Categories:: Sport en vrije tijd Dialect Zelhem

Meer verhalen

De streekdrachten van de Noord-Veluwe

18 juni 2015
Rein Lotterman

Het laatste stukje kerkenpad in Puiflijk

05 januari 2016
Jan Reijnen
Video

Doesburg Binnenste Buiten

01 juli 2014
Jaap Geurtsen

Paasvuur in Epe

18 februari 2015
Dhr. Barnhoorn

Koninginnedag in Arnhem

03 februari 2015
Henk Hermeling

Scheprecht van een molenaar

04 juli 2014
Sylvia van Hunnik

Een bijzonder huwelijksaanzoek

11 juni 2015
Jacobiene Otten

Kaarsjes op Eerste Kerstdag

21 november 2014
Marianne Charbon
Galerij

Nationale Buitenspeeldag

12 juni 2014
Brenda Larbui
VideoGalerij

Het vertolken van oude zeemansliederen

26 november 2014
Harrie Biesterbos
Video

Orgels met de klank van vroeger

30 maart 2015
Niels Klop

Kito de Dijkpoortkat en Herman Willem Daendels

22 april 2015
Sandra Oosterveen
AudioVideo

Oud en Nieuw in de buurt

11 juli 2014
Willi Wilbrink

Krentenweggen als wederdienst

29 september 2015
Albert Geurink

Haren van de zeis

13 juni 2015
Ina Brethouwer

Bijen houden is een boeiende hobby

25 juni 2015
Wilfred Muis

Pinksterpoppen in Buren

09 juni 2015
Mia van Os
GalerijAudioVideo

Reurei

07 maart 2015
Dini Schepers
Video

Het wonderkruisje van het Reijerink

13 april 2015
Gery Groot Zwaaftink