Zo'n dikke twintig joar eleene, goddomme wat wur ik toch al old, ging mien twee oldere breurs en ik mit va en moe elke zomer op verkaasie. Achter in de olde Alfa Romeo epropt mit zien dree'en, mit een gangegie van krap an 100 k/m richting Duutslaand, Oostenriek of Denemark'n.

Mien breurs waar'n al drok an t puberen en ik zat er as klein brummeltien tussenin. Kenteekens veurleez'n en eploagd wurdn deur mien oldste breur was ik bi-j de grens al flauw va. Toen ik verveeln'd begon te worden was mien middelste breur Andre mi-j alderjekelse zat. De enige oplossing die i-j wus was mi-j de koptelefoon van zien Walkman op te zetten. Ook meer uut de gein dink ik, want ut was vast gien gezichte. En wat ik toen heurde jongens, hef mi-j veur de rest van 't leav'n veranderd! Stark Wark van Normaal, op casettebaantie!

Ik had toen nog weinig besef van muziek, maar wat Deurdonderen mit mi-j deed zal ik nooit vergeet'n. Ik dinke dat t kleine jochie d'r kippenvel van kreeg. Det baantie ging uut de Walkman, in de radio van de Alfa en tut an Oostenriek mus iederiene in die old bak Normaal luster'n. Mien moe vond het verschrikkelijk, veural juust mien favoriet Deurdonderen.

Ik zag veur de tweede keer het locht

Toen ik een joar of tiene was ging het kats de verkeerde kaante mit mi-j op. Ozzy Osbourne, Guns 'n Roses, Metallica, etc. werden toen mien favoriet. Achteraf doodzunde, ondanks dat t ook goeie muziek is. Doodzunde omdat ik noar meer concerten van Normaal ekund hadde. Rond mien achtiende zag ik veur de tweede keer het locht. Normaal zol in mien woonplaats Staphorst koom optreden mit alle commotie vandien. Deur alle reuring toch mit mien kameroadn mit egoane, meer uut neesgierigheid dan um de muziek. Toen ze openden mit Kapitein Hoken vuulde ik mi-n net weer det kleine jochie det richting Oostenriek gung mit de familie.

Het hek was van de dam en sindsdien bin ik weer groot liefhebber van Normaal en alles wat d'r bi-j heurt. Meerdere keren per joar goa ik dus oek zeker noar optredens en dagelijks he'k de nummers van Normaal in de auto an stoan. Niet op casettebaantie, maar Stark Wark op mp3. Tied'n veraandert, hokers blieft veur altied. Mien traditie is dan oek standaar Stark Wark van veur tot achter'n luustern veurdat ik noar de Veldtocht goa.

Gien stark verhaal, maar zomaar een vertelligie van een kleine snotneus achter in een olde Alfa Romeo :)

Tag / Lijst: Muziek, Normaal, Dialect, Keuze van de redactie

Dit verhaal met uw ervaring aanvullen? Klik hieronder!

aanvullend verhaal plaatsen

Meer verhalen

Video

Processies

01 juni 2014
G.H. van Hunen

Carnaval met melk en peerdemennekes

05 februari 2015
Frédérique Donders

Gilden stemmen: wel of niet koningschieten?

25 april 2015
Jan Wannet, gilden Huissen

Eerste noaber, tweede noaber, derde noaber

17 november 2014
Chrisje Mogendorff-Ooïnk
VideoAudio

Carnavalsstunt

07 februari 2015
De Oude Gierpont
Video

Mei-avond

28 april 2015
Mieke Veken
Galerij

Herinneringen aan kerst

23 december 2014
Marian v't Hullenaar-Seegers
Galerij

Bijzondere uitvaart met loopkoets

18 augustus 2014
Addy Borgstein en Jolanda Verkuijl-Borgstein
Video

Sluitliederen onder de Pinksterkroon

20 mei 2015
Boerderijmuseum De Lebbenbrugge
Video

Het fruitcorso, geen sinecure

08 september 2014
dhr.Groeneyk
Audio

De vloek van de kolk

22 september 2014
Ger Hofstee

Kerststallen al eeuwen oud.

23 december 2014
henk van Dorland
Galerij

Tik takken

05 juli 2015
Dick Jagtenberg

De natering moet een feestje zijn

23 oktober 2015
Werner Willemsen

Bóllekaerl

30 april 2015
Ina Brethouwer
Video

Hanenkraai wedstrijd

30 oktober 2015
Dinant Rohaan