Zo'n dikke twintig joar eleene, goddomme wat wur ik toch al old, ging mien twee oldere breurs en ik mit va en moe elke zomer op verkaasie. Achter in de olde Alfa Romeo epropt mit zien dree'en, mit een gangegie van krap an 100 k/m richting Duutslaand, Oostenriek of Denemark'n.

Mien breurs waar'n al drok an t puberen en ik zat er as klein brummeltien tussenin. Kenteekens veurleez'n en eploagd wurdn deur mien oldste breur was ik bi-j de grens al flauw va. Toen ik verveeln'd begon te worden was mien middelste breur Andre mi-j alderjekelse zat. De enige oplossing die i-j wus was mi-j de koptelefoon van zien Walkman op te zetten. Ook meer uut de gein dink ik, want ut was vast gien gezichte. En wat ik toen heurde jongens, hef mi-j veur de rest van 't leav'n veranderd! Stark Wark van Normaal, op casettebaantie!

Ik had toen nog weinig besef van muziek, maar wat Deurdonderen mit mi-j deed zal ik nooit vergeet'n. Ik dinke dat t kleine jochie d'r kippenvel van kreeg. Det baantie ging uut de Walkman, in de radio van de Alfa en tut an Oostenriek mus iederiene in die old bak Normaal luster'n. Mien moe vond het verschrikkelijk, veural juust mien favoriet Deurdonderen.

Ik zag veur de tweede keer het locht

Toen ik een joar of tiene was ging het kats de verkeerde kaante mit mi-j op. Ozzy Osbourne, Guns 'n Roses, Metallica, etc. werden toen mien favoriet. Achteraf doodzunde, ondanks dat t ook goeie muziek is. Doodzunde omdat ik noar meer concerten van Normaal ekund hadde. Rond mien achtiende zag ik veur de tweede keer het locht. Normaal zol in mien woonplaats Staphorst koom optreden mit alle commotie vandien. Deur alle reuring toch mit mien kameroadn mit egoane, meer uut neesgierigheid dan um de muziek. Toen ze openden mit Kapitein Hoken vuulde ik mi-n net weer det kleine jochie det richting Oostenriek gung mit de familie.

Het hek was van de dam en sindsdien bin ik weer groot liefhebber van Normaal en alles wat d'r bi-j heurt. Meerdere keren per joar goa ik dus oek zeker noar optredens en dagelijks he'k de nummers van Normaal in de auto an stoan. Niet op casettebaantie, maar Stark Wark op mp3. Tied'n veraandert, hokers blieft veur altied. Mien traditie is dan oek standaar Stark Wark van veur tot achter'n luustern veurdat ik noar de Veldtocht goa.

Gien stark verhaal, maar zomaar een vertelligie van een kleine snotneus achter in een olde Alfa Romeo :)

Tag / Lijst: Muziek, Normaal, Dialect, Keuze van de redactie

Dit verhaal met uw ervaring aanvullen? Klik hieronder!

aanvullend verhaal plaatsen

Meer verhalen

Haring happen

12 februari 2015
C.V. De Bultendarpers
Video

De Boerenbruiloft

11 december 2014
Doortje Voortman
VideoGalerij

Hummelose Volksfeest

07 augustus 2014
Harold Pelgrom
GalerijVideo

Roggebroodweging Muldersfluite

30 december 2014
Harry Somsen
Galerij

Bijzondere uitvaart met loopkoets

18 augustus 2014
Addy Borgstein en Jolanda Verkuijl-Borgstein

Steltlopen in Didam

16 april 2015
Karin van der Velden

Erwtensoep met pannenkoeken

09 november 2015
Truus Peters
Video

Sluitliederen onder de Pinksterkroon

20 mei 2015
Boerderijmuseum De Lebbenbrugge
GalerijAudioVideo

Reurei

07 maart 2015
Dini Schepers
VideoGalerij

Koningschieten

29 september 2014
Marjon Sloetjes
VideoGalerij

Pottenbakken

11 november 2014
Hetty de Jongh

Brood met worst

05 december 2014
Erna Bosch

Pinksterpoppen in Buren

09 juni 2015
Mia van Os