Zo'n dikke twintig joar eleene, goddomme wat wur ik toch al old, ging mien twee oldere breurs en ik mit va en moe elke zomer op verkaasie. Achter in de olde Alfa Romeo epropt mit zien dree'en, mit een gangegie van krap an 100 k/m richting Duutslaand, Oostenriek of Denemark'n.

Mien breurs waar'n al drok an t puberen en ik zat er as klein brummeltien tussenin. Kenteekens veurleez'n en eploagd wurdn deur mien oldste breur was ik bi-j de grens al flauw va. Toen ik verveeln'd begon te worden was mien middelste breur Andre mi-j alderjekelse zat. De enige oplossing die i-j wus was mi-j de koptelefoon van zien Walkman op te zetten. Ook meer uut de gein dink ik, want ut was vast gien gezichte. En wat ik toen heurde jongens, hef mi-j veur de rest van 't leav'n veranderd! Stark Wark van Normaal, op casettebaantie!

Ik had toen nog weinig besef van muziek, maar wat Deurdonderen mit mi-j deed zal ik nooit vergeet'n. Ik dinke dat t kleine jochie d'r kippenvel van kreeg. Det baantie ging uut de Walkman, in de radio van de Alfa en tut an Oostenriek mus iederiene in die old bak Normaal luster'n. Mien moe vond het verschrikkelijk, veural juust mien favoriet Deurdonderen.

Ik zag veur de tweede keer het locht

Toen ik een joar of tiene was ging het kats de verkeerde kaante mit mi-j op. Ozzy Osbourne, Guns 'n Roses, Metallica, etc. werden toen mien favoriet. Achteraf doodzunde, ondanks dat t ook goeie muziek is. Doodzunde omdat ik noar meer concerten van Normaal ekund hadde. Rond mien achtiende zag ik veur de tweede keer het locht. Normaal zol in mien woonplaats Staphorst koom optreden mit alle commotie vandien. Deur alle reuring toch mit mien kameroadn mit egoane, meer uut neesgierigheid dan um de muziek. Toen ze openden mit Kapitein Hoken vuulde ik mi-n net weer det kleine jochie det richting Oostenriek gung mit de familie.

Het hek was van de dam en sindsdien bin ik weer groot liefhebber van Normaal en alles wat d'r bi-j heurt. Meerdere keren per joar goa ik dus oek zeker noar optredens en dagelijks he'k de nummers van Normaal in de auto an stoan. Niet op casettebaantie, maar Stark Wark op mp3. Tied'n veraandert, hokers blieft veur altied. Mien traditie is dan oek standaar Stark Wark van veur tot achter'n luustern veurdat ik noar de Veldtocht goa.

Gien stark verhaal, maar zomaar een vertelligie van een kleine snotneus achter in een olde Alfa Romeo :)

Categories:: Muziek Normaal Dialect Keuze van de redactie

Meer verhalen

Trouwkleding dragen op trouwdag

02 september 2014
Marco Loef
Video

Meidenmarkt in Nunspeet

11 mei 2014
Jette

Merklap of letterdoek

15 april 2015
Gerhard Kwak

Een  Botter vol verhalen….

26 januari 2016
Rob Spierenburg

Achterhoekse brokkebonensoep

05 juni 2015
Gerhard Kwak

Slachten in de oorlog

18 juni 2014
G.H. de Bruin-Hartgers
Video

Maatwerk van de zadelmaker

17 maart 2016
Herman van de Bunt

Jammarkt Neede

19 augustus 2014
Margreet Boot
Video

Ingenieursfeesten

30 oktober 2014
Antoon Kanis

Knikkeren

10 juni 2014
Vanessa

Deurdonderen op verkaasie noar Oostenriek

23 november 2015
J. Akkerman

Folk-song over Bommel-gevoel

17 december 2015
Laurens Krah
Video

Sluitliederen onder de Pinksterkroon

20 mei 2015
Boerderijmuseum De Lebbenbrugge

Ongel: de voorganger van frituurvet

13 januari 2016
Gerhard Kwak

Høkbestendige Gebitjens

01 december 2015
Bas Geijs
Video

De dikke boom

21 april 2015
Eric Borrias
Audio

Tuutlied

28 mei 2014
Wim Monnich

De ballade van een muzikant

25 november 2015
Andries Zwart

Soepvleis uut Wenters

27 februari 2015
Gerhard Kwak