“Pas op dat i-j neet te dichte bi-j de kolke komt want dan zut de bóllekaerl ow! En dan begunt e te brullen en trök e ow naor onder’n”. Dat zei mien opa vrogger at wi-j zeiden da’w naor ’t storkslat gingen, de weide met de zwarte kolke. Dat was zo’n mooi pleksken, dat zwatte stille water met wat riesholt d’rumhen zoas elzen en berken. ’n Betjen misterieus was ’t daor ok wal. Zwemmen konne wi-j ton nog neet maor wi-j zollen jao heel good oppassen. Wi-j hadden toch ok ogen in ‘t heufd? ’s Winters ginge wi-j daorhen um te schaatsen, at ’t ies ’t kon lien. Maor deur wat opa elke kere zei, vonne wi-j ’t daor ok wal ‘n betjen groezelig. Den bóllekaerl, dat mos jao wal ’n heel naren kolkgeest waen. Wi-j kekken daorumme toch wal merakels good uut. En ’t is ok altied good egaone.

Ze wisten ow vrogger wal good bange te maken. De leu wazzen drok en konden neet den helen dag achter de blagen anlopen. De schrik zat d’r good in thuus want ’t was al ’ns gebeurd dat mien jongere zusken zowat met eur heufd onder water kwam in de putte van de weide naost de boerderi-je. Ze had zich te wied veurovver ebògen. Mien oma kon eur nog net op tied d’r weer uuttrekken. Ok in de putte zat ’n bóllekaerl, zo wodden verteld.

Zelf heb ik de bóllekaerl weer van stal ehaald ton de kinder van mien zuster hier kwamen logeren. D’r lig hier veur deure ne viever en i’j wet jao neet of ze altied wal uutkiekt en ze könt ok inens vot waen. Ik zagge wal dat ze flink onder d’n indruk waren van wat ik ze vertellen. Ik hadde wal ’n betjen met ze te doone. ’t Is neet niks um jonge kinder zo de stoepen op ’t lief te jagen. Maor de angst dat d’r wat kon gebeuren was toch starker. En ik dachte, ik legge ze’t later wal uut, at ze groot bunt. Misschien he’k dan as excuus: ’t heurt bi’j ‘t deurgevven van ’t arfgood en da’s belangriek in dizzen tied. Gelukkig könt ze d’r now wal umme lachen. ’t Verhaal is hun ok good bi-j ebleven zo marken ik laatst ton dat inens ter sprake kwam. Zelf hebt ze noo nog gin kinder, maor ’t zal mi’j ‘ns beni’jen of ze later zelf ok de bóllekearl weer töt laeven brengt at dat zo uutkump.

Gerelateerde verhalen

De Boelekearl De Boelekearl

Categories:: Streek-en volksverhalen Volksgeloof Dialect Barlo Keuze van de redactie

Meer verhalen

Video

Jan van Riemsdijk; liedjeszanger en dichter

02 november 2015
Ton van de Vosse
VideoGalerij

Olieslaan uit beukennootjes

12 juli 2014
Ben van Os

Drie generaties huisslachters

20 juni 2014
Piet van der Linden

Een boom vol herinneringen

19 december 2014
Ann 't Hoen

Zingen op Koninginnedag

02 juli 2014
Rita Brouwer

Koeien in de wei laten lopen

12 mei 2014
Marijke Jansen

Eieren rollen

28 oktober 2014
Stien Meuleman

Teerton verbranden op oudejaarsavond

25 november 2015
Piet Schuijn

Groesbeeks Kermisbrood

11 mei 2014
Jette
Galerij

Oranjefeest op de rotonde

23 juni 2014
Giorgio Ambrawo

Mandenmakerij: een harde wereld

15 december 2014
Dick Jagtenberg

Klarendalse feestweek

03 februari 2015
Henk Hermeling

Robuust en elegant de botter

30 december 2015
Lotte van der Krogt

Zwembadchips

20 mei 2015
Gerhard Kwak
Galerij

Honing- en Bijenmarkt Eerbeek

09 juli 2014
Ton Fleur
Galerij

Spelen met een snorrebotje

02 maart 2015
Gerhard Kwak

Riviervissen in de Waal

23 november 2015
Gijs Sepers

Huissense Umdracht

14 juli 2014
Joop Brons

Netjes lopen in de avondvierdaagse

09 juli 2015
Wilma Wilbrink